मोरङ– कोरोना भाइरस संक्रमितको संख्या बढ्दै गएपछि विराटनगर महानगरपालिकाले १४ दिने लकडाउनको घोषणा गरेको छ । 

महानगरले शुक्रबार राति १२ बजेदेखि दुई सातासम्मका लागि लकडाउन लागू गरेको हो । 

शुक्रबार थप १० जनामा संक्रमण पुष्टि भएसँगै विराटनगरमा संक्रमितको संख्या १ सय ७ पुगेको छ । 

शुक्रबार सामाजिक विकास मन्त्रालयमा बसेको बैठकले कोरोना रोकथामका लागि प्रदेश सरकारले स्थानीय तहलाई आवश्यक कदम चाल्न बाटो खोलिदिएपछि महानगरले लकडाउनको घोषणा गरेको हो ।