पछिल्लो समय कोरोनाभाइरसको हटस्पट बनेको प्रदेश २ को वीरगन्जमा आइतबार साँझ थप ३८ जनामा कोरोनाभाइरस संक्रमण देखिएको छ । 

यीमध्ये वीरगन्ज महानगरपालिका १२ का वडाध्यक्ष रामदरस कुशवाहा पनि कोरोनाभाइरस संक्रमित पाइएका छन् । 

कुशवाहाले १५ साउनमा परीक्षणका लागि स्वाब दिएका थिए । 

उनलाई ज्वरो आएकाले कोरोना परीक्षण गर्न सुझाव दिइएको थियो । आइतबार थपिएका ३८ कोरोनाभाइरस संक्रमितमा ४ जना महिला रहेका छन् । यीमध्ये ३ जना बाराका हुन् ।

यसअघि वीरगन्जमा मेयरलाई पनि कोरोनाभाइरस संक्रमण देखिएको थियो । त्यस्तै, पर्साका प्रतिनिधिसभा सांसदलाई पनि यसअघि नै कोरोनाभाइरस संक्रमण पुष्टि भएको छ ।