विराटनगरमा सोमबार विहान १५ जना कोरोनाभाइरस संक्रमित थपिएका छन् । 

यीमध्ये ७ जना प्रहरी रहेका छन् । कोशी अस्पताल विराटनगरमा गरिएको परीक्षणमा प्रदेश प्रहरी कार्यालय विराटनगरका सात प्रहरी कर्मचारीमा कोरोनाभाइरस संक्रमण भएको पुष्टि भएको हो । 

त्यस्तै, त्यहाँको वडा ६ र ७ का अन्य ८ जनामा पनि कोरोनाभाइरस संक्रमण देखिएको छ । उनीहरु सबै पुरुष हुन् ।

विराटनगरले पनि पछिल्लो समय कोरोनाभाइरस संक्रमित बढ्न थालेपछि लकडाउन लगाएको छ ।