बलिउड अभिनेता सुशान्त सिंह राजपुतको मृत्यु भएको एक महिना बितिसक्दा प्रत्येक दिन अनौठा र नयाँ खुलासा भइरहेका छन् । यसबीच सुशान्त, उनकी बहिनी प्रियंका, उनका भिनाजु ओपी सिंहबीच भएको एसएमस बाहिर आएको छ जसले यो मुद्दामा नयाँ मोड ल्याइदिएको छ ।

उनका भिनाजु ओपी सिंह हरियाणा प्रहरीका अधिकारी पनि हुन् । 

यी तीनबीच यसअघि नै सुशान्तको ज्यान खतरामा रहेको भन्दै एसएमएस आदानप्रदान भएको रहेछ । 

तर, सुशान्तको यो परिवारले लिखित रुपमा यसअघि सुशान्तको ज्यान खतरामा भएको लिखित उजुरी दिएको रहेनछ । प्रहरीसँग चाहिँ सुशान्तका बाबुले यसअघि नै सुशान्तको ज्यान बचाउन अनुरोध गरेका रहेछन् ।