अमेरिकी राष्ट्रपति डोनाल्ड ट्रम्पले टिकटकमाथि प्रतिबन्ध लगाउने एक निर्देशनमा हस्ताक्षर गरेका छन् । योसँगै अब ४५ दिनपछि टिकटक अमेरिकामा पूर्णरुपमा प्रतिबन्ध हुनेछ । 

आज राष्ट्रपति ट्रम्पले गरेको हस्ताक्षरअनुसार अबको ४५ दिनमा टिकटकको निर्माता बाइटडान्ससँग कुनै पनि अमेरिकी कारोबारलाई मान्यता दिइने छैन । 

पछिल्लो समय टिकटकले आफ्ना नागरिकको डाटा चोरी गरेको आरोप ट्रम्पले लगाउँदै आएका छन् । चिनियाँ कम्पनीले बनाएकाले टिकटकले आफ्नो डाटा चिनियाँ सरकारलाई दिने गरेको आरोप ट्रम्पले लगाउँदै आएका छन् ।

अमेरिकी समयअनुसार बिहीबार राति ट्रम्पले अर्को चिनियाँ एप वीच्याट पनि प्रतिबन्ध लगाउन निर्देशनमा हस्ताक्षर गरेका छन् । 

टिकटक र वीच्याटजस्ता चिनियाँ एपमा भारतले यसअघि नै प्रतिबन्ध लगाइसकेको छ ।