प्रधानमन्त्री केपी शर्मा ओलीका प्रमुख राजनीतिक सल्लाहकार तथा नेपाल कम्युनिस्ट पार्टी (नेकपा) स्थायी कमिटी सदस्य विष्णु रिमालले आफ्नै पार्टीका प्रवक्ता नारायणकाजी श्रेष्ठलाई प्रवक्ता पदको लाज जोगाउन आग्रह गरेका छन् । सल्लाहकार रिमालले ट्वीटमार्फत उक्त आग्रह गरेका हुन् ।
उनले ट्वीटरमा भनेका छन्, ‘इनफ इज इनफ नारायणकाजी जी ! कमसेकम पार्टी प्रवक्ता पदको लाज त जोगाउनुस् ।’ रिमालले ‘विधि र पद्धति’को नक्कली गीत नगाउनसमेत श्रेष्ठलाई आग्रह गरेका छन् । ‘पार्टी एकता विरुद्धका कुनै पनि गतिविधि कतैबाट पनि नहोस्, मुलुक संवेदनशील मोडमा छ महसुस होस्,’ रिमालले भनेका छन् ।
नेकपा भित्र प्रचण्ड–नेपाल समूहले ओलीलाई दुवैबाट राजीनामा गर्न दवाब दिएपछि नेकपाको स्थायी कमिटी बैठक लामो समयदेखि बस्न सकेको छैन । असार १० गतेबाट चलेको स्थायी कमिटि बैठकमा प्रचण्ड–नेपाल समूहले दुवै पद छाड्न ओलीलाई दवाब दिएका थिए । त्यसपछि दुई अध्यक्षबीच दूरी बढ्दै गएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।