काठमाडौं– पछिल्लो २४ घण्टामा नेपालमा कोरोना भाइरस (कोभिड–१९) संक्रमितको संख्या २२ हजार नाघेको स्वास्थ्य तथा जनसंख्या मन्त्रालयले जनाएको छ । मन्त्रालयका का प्रवक्ता डा. जागेश्वर गौतमका अनुसार योसँगै संक्रमितको संख्या २२ हजारभन्दा बढी पुगेको छ ।  

कुल संक्रमितको संख्या २२ हजार दुई सय १४ पुगेको हो । प्रवक्ता गौतमका अनुसार नेपालमा अहिले संक्रिय संक्रमितको ६ हजार तीन सय ३० छ ।  

मन्त्रालयका अनुसार पछिल्लो २४ घण्टामा २२५ डिस्चार्ज भएका छन् । कुल डिस्चार्ज हुनेको संख्या १५ हजार ८१४ पुगेको छ । 

बढी संक्रमित हुने जिल्लामा पर्सा, रौतहट, महोत्तरी र काठमाडौं छन् । यी जिल्लामा पाँच सयभन्दा बढी संक्रमित छन् । मन्त्रालयका अनुसार खोटाङ, धनकुटा, संखुवासभा, रुकुम पश्चिम, मनाङ र मुस्ताङ गरी सात जिल्लामा कोरोना संक्रमण शून्य छ । 

अहिले क्वारेन्टाइनमा १० हजार २०७ जना रहेका छन् । आइसोलेसनमा ६ हजार तीन सय ३० संक्रमित छन् । पछिल्लो २४ घण्टामा उपत्यकामा मात्र १०६ जनामा संक्रमण पुष्टि भएको मन्त्रालयले जनाएको छ ।