काठमाडौं– बिपी कोइराला स्मृति ट्रस्टले यस वर्षको बिपी साहित्य सम्मान पुरस्कार २०७७ वरिष्ठ साहित्यकार तथा इतिहासकार ज्ञानमणि नेपाललाई प्रदान गर्ने भएको छ । पुरस्कारको राशि एक लाख एक हजार छ ।
ट्रस्टले प्रत्येक वर्ष प्रदान गर्दै आएको सो पुरस्कार यस वर्ष साहित्यकार तथा इतिहासकार ज्ञानमणि नेपाललाई प्रदान गर्ने निर्णय भएको ट्रस्टले जनाएको छ ।
यस्तै, यस वर्षको बिपी सेनानी सम्मान पुरस्कार २०७७ होमनाथ दाहाललाई प्रदान गर्ने निर्णय भएको छ । प्रजातन्त्र स्थापनाको संघर्षमा योगदान पुर्याएबापत ट्रस्टले ५१ हजार राशिको सो पुरस्कार दाहाललाई दिइने भएको हो ।
दुवै पुरस्कार आगामी भदौ २४ गते बिपी जयन्तीको अवसरमा काठमाडौंमा विशेष समारोह आयोजना गरेर प्रदान गरिने ट्रस्टले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
