सत्तारुढ नेपाल कम्युनिस्ट पार्टी (नेकपा)मा पछिल्लो समय चलिरहेको शक्ति संघर्षको विवादमा दोस्रो पुस्ताका वा युवा नेताहरु आफ्ना शीर्ष नेताहरुलाई बारम्बार खबरदारी गरिरहेका छन् ।

कहिलेकाहीँ छलफल चलाएर होस् या कहिलेकाहीँ सामाजिक सन्जालमा लेखेर नै किन नहोस्, उनीहरु नेताहरुलाई सचेत बनाउन लागिरहेका छन् । 

यीनैमध्ये एक हुन्, पर्यटनमन्त्री तथा नेकपा नेता योगेश भट्टराई । 

भट्टराईले पछिल्लो समय पार्टी विभाजनको खतरा आइसकेको दोहोर्याउँदै आएका छन् । अनि बारम्बार नेताहरुलाई सजग बनाउने हेतुले हुनसक्छ, आफ्नो सामाजिक सन्जालमा पनि यसबारे लेखेका छन् । 

शुक्रबार राति अबेर उनले फेरि एक ट्विट गरेका छन् । ट्विटमा उनले लेखेका छन्– फर्कनै नुहने हो भने नेपाली शब्द भण्डारणमा किन फर्कनु भन्ने शब्द बन्यो त ?

यो शब्द हुनु भनेको यसको प्रयोग पनि हुनु हो भन्ने उनको तर्क रहेको छ । तसर्थः फर्किनु पर्छ र फर्कन सकिन्छ भन्ने उनको तर्क छ । उनले यसबाहेक अरु विकल्प नभएको पनि आफ्नो ट्विटमा लेखेका छन् ।