कोरोनाभाइरस संक्रमित बढ्न थालेपछि पछिल्ला दिनमा काठमाडौंका विभिन्न ठाउँमा सिल गर्न थालिएको छ । एउटै टोलका आठ जनामा कोरोना संक्रमण पुष्टि भएसँगै काठमाडौंको हाँडीगाउँ सिल गरिएको हो । 

वडा नम्बर पाँचका अध्यक्ष रमेश डंगोलका अनुसार हाँडीगाउँको कोटाल टोलमा कोरोना संक्रमित भेटिएका हुन् ।

यीमध्ये केही नेपाल प्रहरीका परिवारका सदस्य पनि रहेका छन् । प्रहरीको सम्पर्कमा आएका व्यक्तिहरुमा कोरोना संक्रमण देखिएपछि यो ठाउँ सिल गरिएको हो ।