बाँकेमा शनिबार थप २० जनामा कोरोनाभाइरस संक्रमण पुष्टि भएको छ । भेरी अस्पतालले गरेको कोरोना परीक्षणमा नेपालगन्जका १६ र कोहलपुरका ४ जनामा कोरोनाभाइरस संक्रमण पुष्टि भएको हो ।

शनिबार आएको परीक्षण रिपोर्टअनुसार ३ सयमध्ये २२ जनामा कोरोना संक्रमण पुष्टि भएको छ । यीमध्ये २ जना बर्दियाका हुन् । 

बाँके प्रशासनले कोरोना संक्रमित बढेसँगै अहिले निषेधाज्ञा लगाएको छ । यसअघि शनिबारसम्म लगाइएको निषेधाज्ञा थप तीन दिनका लागि थपिएको छ ।