रौतहटका एक युवकको धारिलो हतियारले हत्या गरिएको छ । स्थानीय गरुडा नगरपालिका–८ जिंगडिया गाउँका  १७ वर्षीय  निरञ्जन राम चमारको गए राति हत्या गरिएको प्रहरीले जनाएको छ । स्थानीयवासीले आइतबार खबर गरेपछि जिंगडियाभन्दा करिब तीन सय मिटर पर वर्षाको पानीमा शव बरामद भएको इलाका प्रहरी कार्यालय गरुडाले जनाएको छ ।

प्रहरी नायब उपरीक्षक ज्ञानकुमार महतोले घटनास्थल प्रहरीले सुरक्षित गरेको र तालिम प्राप्त कुकुर प्रयोग गरेर अनुसन्धान सुरु गरिएको बताए । शव परीक्षणका लागि जिल्ला अस्पताल गौर पठाइएको छ । व्यक्तिगत रिसइबीका कारण कसैले युवकको हत्या गरेको हुन सक्ने प्रहरीको प्रारम्भिक अनुमान छ ।