काठमाडौंको १० नम्बर वडा कार्यालयले कोरोनाभाइरस संक्रमित बढेसँगै अत्यावश्यकबाहेक केही सेवाहरु प्रतिबन्धित भएको सूचना प्रकाशन गरेको छ । 

१० नम्बर वडामा पनि कोरोनाभाइरस संक्रमित बढ्दै गएको भन्दै १० नम्बर वडामा फुटपाथका कुनै पनि क्षेत्रका पसलहरु खोल्न निषेधित गरिएको छ । 

त्यस्तै, मठमन्दिरमा नित्य पूजाबाहेक अन्य पूजापाठ अहिलेका लागि बन्देज लगाइएको छ । 

कवाडी संकलन तथा चिया पसल, पानपसलहरुलाई पनि अहिले बन्द गरिएको छ । 

त्यस्तै सैलुन र भीडभाड हुने ठाउँहरु पनि अहिलेका लागि अर्को सूचना जारी नभएसम्मका लागि बन्द गरिएको सूचनामा जनाइएको छ ।