काठमाडौंको १० नम्बर वडा कार्यालयले कोरोनाभाइरस संक्रमित बढेसँगै अत्यावश्यकबाहेक केही सेवाहरु प्रतिबन्धित भएको सूचना प्रकाशन गरेको छ ।
१० नम्बर वडामा पनि कोरोनाभाइरस संक्रमित बढ्दै गएको भन्दै १० नम्बर वडामा फुटपाथका कुनै पनि क्षेत्रका पसलहरु खोल्न निषेधित गरिएको छ ।
त्यस्तै, मठमन्दिरमा नित्य पूजाबाहेक अन्य पूजापाठ अहिलेका लागि बन्देज लगाइएको छ ।
कवाडी संकलन तथा चिया पसल, पानपसलहरुलाई पनि अहिले बन्द गरिएको छ ।
त्यस्तै सैलुन र भीडभाड हुने ठाउँहरु पनि अहिलेका लागि अर्को सूचना जारी नभएसम्मका लागि बन्द गरिएको सूचनामा जनाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।