काठमाडौं– अख्तियार दुरुपयोग अनुसन्धान आयोगको तीन पदाधिकारीमा सत्तारुढ नेकपा र प्रतिपक्षी कांग्रेसबीच भागबन्डा हुने भएको छ । जसअनुसार नेकपाले दुईजना र कांग्रेसले एक जना पाउने भएका छन् ।
नेकपाको भागमा परेका दुईजनामा पनि अध्यक्ष एवं प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच एक–एकजना भागबन्डा गरिने भएको छ ।
अख्तियारमा हाल दुई आयुक्तको पद खाली छ । प्रमुख आयुक्त नवीन घिमिरेले पनि यसै महिना अवकास पाउँदै छन् ।
सोमबार तीन नेताबीच प्रधानमन्त्री निवास बालुवाटारमा भएको छलफलमा अख्तियारलगायत विभिन्न संवैधानिक आयोगमा रिक्त रहेको ४० पदमा हुने नियुक्तिबारे छलफल भएको थियो ।
सबै आयोगमा भागबन्डाअनुसार नियुक्ति गर्ने सहमतिसँगै प्रधानमन्त्रीले छिट्टै संवैधानिक परिषद्को बैठक बोलाउने भएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
