बागलुङ– बागलुङ नगर क्षेत्रमा एक साताका लागि निषेधाज्ञा जारी गरिएको छ । बागलुङ बजारमा समुदायस्तरमै कोरोना संक्रमण पुष्टि भएपछि यस्तो निर्णय आएको हो ।
मंगलबार जिल्ला कमाण्ड पोस्ट र सरोकारवालाबीचको बैठक बसेर राति १२ बजेदेखि एक साताका लागि निषेधाज्ञा जारी गर्ने निर्णय गरेको हो । जसअनुसार भदौ ९ गते राति १२ बजेसम्म बागलुङ नगर क्षेत्रमा निषेधाज्ञा हुने भएको छ ।
जिल्ला कमाण्ड पोस्टको दिउँसो बसेको बैठकले नगर क्षेत्रलाई भदौ ९ गतेसम्म निषेधाज्ञा जारी गर्ने निर्णय गरेको प्रमुख जिल्ला अधिकारी सुरेश न्यौपानेले जानकारी दिए ।
निषेधाज्ञाको अवज्ञा गर्नेलाई संक्रामक रोग ऐन, २०२० को दफा ३ र स्थानीय प्रशासन ऐन, २०२८ को दफा ६ को उपदफा ३ बमोजिम कारबाही गरिने जानकारी गराएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।