धरानमा विपी कोइराला स्वास्थ्य विज्ञान प्रतिष्ठानमा ६७ वर्षकी कोरोना संक्रमितको निधन भएको छ । उनी मोरङकी हुन् । 

मंगलबार साँझ उनको निधन भएको अस्पतालले जनाएको छ । 

उनलाई सोमबारमात्र विपी कोइराला स्वास्थ्य विज्ञान प्रतिष्ठानमा लगिएको थियो । यसअघि उनी विराटनगरको विराट मेडिकल कलेजमा भर्ना भएकी थिइन् । अत्यधिक खोकी, श्वासप्रश्वासमा समस्या र ज्वरो आएपछि उनलाई अस्पताल भर्ना गरिएको थियो । 

लामो समयदेखि उनी मुटुको उपचार गराउँदै आएको बताइएको छ ।

योसँगै नेपालमा कोरोनाबाट ज्यान गुमाउनेको संख्या ११७ पुगेको छ ।