वीरगन्जको नारायणी अस्पतालको पिसिआर प्रयोगशालामा गरिएको परीक्षणमा पर्सामा थप १ सय ४७ जनामा कोरोनाभाइरस संक्रमण देखिएको छ । संक्रमितमध्ये ४६ जना महिला रहेका छन् ।
अस्पतालका अनुसार ७ वर्षदेखि ७० वर्षसम्मका व्यक्तिहरुमा कोरोना संक्रमण पुष्टि भएको हो ।
यीमध्ये १ सय ३८ जना पर्साका, ८ जना बाराका र सप्तरीका एक जना रहेका छन् ।
बाराका संक्रमित ८ मध्ये ४ जना नेपाली सेना रहेको जनाइएको छ । त्यस्तै, वीरगन्जमा रहेको भारतीय महावाणिज्य दूतावासकी एक कर्मचारीमा पनि कोरोना संक्रमण पुष्टि भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।