नवलपरासी पूर्वमा बुधबार राति १२ बजेदेखि भदौ ९ गतेसम्मका लागि निषेधाज्ञा लागु गरिएको छ । दुई दिनमा २१ जनामा कोरोना संक्रमण पुष्टि भएपछि निषेधाज्ञा जारी गरेको जिल्ला प्रशासन कार्यालयले जनाएको छ ।

कोरोना संक्रमण समुदाय स्तरमा पुगेको ठहर गर्दै निषेधाज्ञा जारी गरेको कार्यालयले जनाएको छ । प्रशासनले बुधवार एक सूचना जारी गर्दै स्थानीयलाई स्वास्थ्य सुरक्षामा ध्यान दिँदै हिँडडुल गर्न, सार्वजनिक स्थलमा भेला हुन, रमाइलो गर्न पसल व्यवसाय खोल्न प्रतिबन्ध लगाएको हो ।

कोरोना संक्रमण रोकथाम तथा नियन्त्रणका लागि तत्काल थप सर्तकता अपनाउन र सरकारले जारी गरेको स्वास्थ्य मापदण्डलाई कडाइका साथ पालना गराउन भदौ ९ गते राति १२ बजे सम्मका लागि निषेधाज्ञा जारी गरिएको प्रशासनको सूचनामा उल्लेख छ ।