काठमाडौं– मंगलबार राति प्रदेश–२का आर्थिक मामिला तथा योजना मन्त्री विजय यादवको ललितपुर इमाडोलस्थित घरमा चोरी भएको छ ।
महालक्ष्मी नगरपालिकामा पर्ने इमाडोलमा रहेको घरमा चोरी भएको हो । प्रहरीका अनुसार पौने दुई लाख नगद र दुई सेट फोन चोरी भएको महानगरीय प्रहरी वृत्त, सातदोबाटोले जानकारी दिएको छ ।
चोरी हुँदा मन्त्री यादव पनि घरमै रहेको प्रहरीको भनाइ छ । चोर झ्यालबाट भित्र प्रवेश गरेको र भित्र मन्त्री सुतेको कोठाबाट सिरानीमा राखेको दुईवटा फोन चोरेको प्रहरीले जानकारी दिएको छ । दराज र सुटकेस खोलेर पैसा मात्रै लगेको देखिएको छ ।
अर्को कोठामा सुतेका मन्त्री यादवका साथीको कोठाबाट पनि चोरी भएको प्रहरीको भनाइ छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।