बुधबार धनुषाका एक पुरुषको मृत्यु कोरोनाभाइरसका कारण भएको पुष्टि भएको छ । धनुषाको नगराइन नगरपालिकाका ५० वर्षीय पुरुषको बुधबार मृत्यु भएको थियो ।
उनको स्वाब परीक्षणमा उनलाई कोरोनाभाइरस संक्रमण भएको पुष्टि भएको हो ।
उनलाई बुधबार नै प्रादेशिक अस्पताल जनकपुरमा भर्ना गरिएको थियो । त्यहाँबाट उनलाई काठमाडौं ल्याउँदा बाटोमा नै उनको मृत्यु भएको थियो ।
योसँगै धनुषामा मात्र कोरोनाका कारण मृत्यु हुनेको संख्या १० पुगेको छ । नेपालमा शुक्रबार मात्र योसहित कोरोनाका कारण मृत्यु हुनेको संख्या १२ पुगेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।