बुधबार धनुषाका एक पुरुषको मृत्यु कोरोनाभाइरसका कारण भएको पुष्टि भएको छ । धनुषाको नगराइन नगरपालिकाका ५० वर्षीय पुरुषको बुधबार मृत्यु भएको थियो । 

उनको स्वाब परीक्षणमा उनलाई कोरोनाभाइरस संक्रमण भएको पुष्टि भएको हो ।

उनलाई बुधबार नै प्रादेशिक अस्पताल जनकपुरमा भर्ना गरिएको थियो । त्यहाँबाट उनलाई काठमाडौं ल्याउँदा बाटोमा नै उनको मृत्यु भएको थियो ।

योसँगै धनुषामा मात्र कोरोनाका कारण मृत्यु हुनेको संख्या १० पुगेको छ । नेपालमा शुक्रबार मात्र योसहित कोरोनाका कारण मृत्यु हुनेको संख्या १२ पुगेको छ ।