चितवनमा सोमबार विहान थप १२ जनालाई कोरोनाभाइरस भएको पुष्टि भएको छ । आइतबार राति गरिएको परीक्षणमा ७ महिला र पाँच पुरुषमा कोरोना भएको पुष्टि भएको हो । यीमध्ये एक पाँच वर्षीया बालिका पनि संक्रमित थपिएकी छिन् । 

संक्रमित सबै भरतपुर महानगरपालिका हुन् । 

आइतबार भरतपुरमा २ सय ९ जनाको कोरोना परीक्षण गरिएको छ । योसँगै चितवनमा अब ३ सयभन्दा बढीमा कोरोना संक्रमण पुष्टि भएको छ । विभिन्न जिल्ला र चितवनका गरेर चितवनमा कोरोनाका कारण ६ जनाले ज्यान गुमाइसकेको छन् ।