के पाकिस्तान र चीन मिलेर बनाउँदैछन् नयाँ भाइरस ?
फरकधार / ९ भदौ, २०७७

पाकिस्तान र चीनको विषयमा भारतीय मिडियामा आएका समाचार हत्तपत्त पत्याउन गाह्रो हुन्छ । केहीअघिसम्म पाकिस्तानविरुद्ध मात्र खनिने गरेका भारतीय मिडियामा अब चिनियाँ गतिविधिबारे पनि निकै धेरै समाचार सम्प्रेषण हुन थालेका छन् ।

यहीबीच भारतीय मिडिया लाइभहिन्दुस्तानले एउटा समाचार प्रकाशन गरेको छ जसमा उल्लेख गरिएको छ कि चीन र पाकिस्तान मिलेर एक जैविक भाइरसको विकास गरिरहेका छन् । 

चीनको वुहान इन्स्टिच्युट अफ भाइरोलोजीमा कोरोनाभाइरसबारे अहिले अध्ययन गरिरहेको एक वैज्ञानिक समूहले सन् २०१५ मा नै पाकिस्तानसँग सम्झौता गरेको दाबी यो समाचारमा गरिएको छ । खोज पत्रकार एन्थोनी क्लानलाई उद्धृत गर्दै समाचारमा भनिएको छ– सन् २०१५ मा नै पाकिस्तान र चीनबीच घातक रोगको विषयमा अनुसन्धान गर्न सम्झौता गरिएको थियो । यो खुलासा गत महिनामात्र भएको समाचारमा दाबी छ ।

वुहान र पाकिस्तानका वैज्ञानिक मिलेर गरेको एक रिसर्चमा पाँच विभिन्न भाइरसको जिनोम अनुक्रमण सामेल गरिएको पनि दाबी पनि समाचारले गरेको छ । यी कुनै पनि घातक रोगको अहिले उपचार नभएको र यो पाकिस्तान र चीनको षडयन्त्र भएको समाचारमा दाबी छ ।

  • प्रकाशित मिति : भदौ ९, २०७७ बुधबार १:२५:१४,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया