कोरोना संक्रमितको संख्या बढ्दै जाँदा उपत्यकामा थप सात दिन निषेधाज्ञा लम्बिने भएको छ । काठमाडौं, ललितपुर र भक्तपुरका प्रमुख जिल्ला अधिकारीहरुबीच मंगलबार भएको छलफलले यो निर्णय गरेको हो । तर, यसको औपचारिक जानकारी दिइसकिएको छैन । आज यसबारे औपचारिक निर्णय हुने बताइएको छ ।

यसअघि सुरक्षा संयन्त्र तथा प्रमुख जिल्ला अधिकारीहरुको बैठकले काठमाडौंमा सात दिनका लागि निषेधाज्ञा लगाएको थियो ।

योसँगै काठमाडौं उपत्यकामा १७ भदौ राति १२ बजेसम्मका लागि निषेधाज्ञा थपिने भएको छ । अनि अब नाकामा थप कडाइ गर्ने पनि यी तीन जिल्लाका अधिकारीहरुले निर्णय गरेका छन् । 

यसरी निषेधाज्ञा थप्दा कोरोना संक्रमण रोकथाममा ठूलो सहयोग पुग्ने जिल्ला अधिकारीहरुको निष्कर्ष रहेको छ ।