चितवनमा थप एक जनाको कोरोनाभाइरस संक्रमणका कारण मृत्यु भएको छ । मृत्यु हुने ५८ वर्षका पुरुष हेटौंडा उपमहानगरपालिकाका हुन् । 

उनको चितवन मेडिकल कलेजमा उपचार भइरहँदा मृत्यु भएको हो ।

१४ भदौमा उपचारका लागि अस्पताल भर्ना भएका ती पुरुषमा कोरोना संक्रमण भएको सोमबार पुष्टि भएको थियो । उनलाई निमोनिया भइसकेको जनाइएको छ ।

योसँगै मकवानपुरका मात्र ४ जनाले चितवनमा कोभिड १९ का कारण ज्यान गुमाएका छन् । चितवनमा विभिन्न जिल्ला र चितवनका गरेर मृत्यु हुनेको संख्या चाहिँ १७ पुगेको छ ।