काभ्रेमा जेठाजुले बुहारीमाथि बन्चरो प्रहार गर्दा बुहारीको मृत्यु भएको छ । नमोबुद्ध नगरपालिका–८ का ४३ वर्षीय सुदर्शन अधिकारी बन्चरो प्रहार गरी हत्या गरेको अभियोगमा बिहीबार पक्राउ परेका छन् । 

घरायसी विवादमा अधिकारीले उनकै बुहारी ३५ वर्षीया रन्जना तिमल्सिनालाई बन्चरो प्रहार गर्दा घटनास्थलमै मृत्यु भएको प्रहरीले जानकारी दिएको छ । हत्याको खबर प्राप्त हुनासाथ श्यामपाटी प्रहरी चौकीबाट खटिएको प्रहरीले उनलाई पक्राउ गरेको हो ।

घटनाका सम्बन्धमा थप अनुसन्धान गरिरहेको स्थानीय प्रहरीले जानकारी दिएको छ ।