पछिल्लो २४ घण्टामा देशभर १३५९ जना संक्रमित थपिएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले ४६४ जना महिला र ८९५ जना पुरुष गरी थप १३५९ जनामा संक्रमणको पुष्टि भएको जानकारी दिए ।
कुल संक्रमितको संख्या ४४,२३६ पुगेको छ ।
प्रवक्ता गौतमका अनुसार २४ घण्टामा गरिएको पीसीआर परीक्षणको संख्या १३,६३८ रहेको छ । सक्रीय संक्रमितको संख्या १८, ४०४ छ । संस्थागत आइसोलेसनमा १०,९४२ जना र होम आइसोलेसनमा ७,४६२ जना संक्रमित रहेको प्रवक्ता गौतमले जानकारी दिए ।
पछिल्लो २४ घण्टामा कोरोनामुक्त भई डिस्चार्ज हुनेको संख्या १३५४ रहेको छ । हालसम्म डिस्चार्ज हुने कुल संख्या २५, ५६१ रहेको छ ।
पछिल्लो २४ घण्टामा महिला ४ जना र १० जना पुरुष गरी १४ जनाको मृत्यु भएको छ । नेपालमा कोरोनाबाट मृत्यु हुनेको संख्या २७१ पुगेको प्रवक्ता गौतमले जानकारी दिए । आइसीयूमा १५१ जना र भेन्टिलेटर २६ जना संक्रमित रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।