अमेरिकाले एक हजारभन्दा बढी चिनियाँ नागरिकको भिसा रद्द गरेको अमेरिकी विदेश मन्त्रालयले बताएको छ ।
बौद्धिक सम्पत्ति, प्रविधि र अन्य संवेदनशील सूचनामा शंकास्पद पहुँच हासिल गरेको भन्दै चिनियाँ विद्यार्थी र अनुसन्धाताको भिसा रद्द गरेको बताइएको छ ।     
     
विदेश मन्त्रालयका प्रवक्ताले राष्ट्रपतिको आदेश बमोजिम सेप्टेम्बर ८, २०२० सम्ममा १ हजारभन्दा बढीको भिसा रद्द गरिएको जानकारी दिए । यद्यपि, संयुक्तराज्य अमेरिकामा अध्ययन र अनुसन्धानको अनुमति प्राप्त गरेका चिनियाँ विद्यार्थीको अनुपातमा भिसा रद्द गरिएको यो संख्या निकै कम भएको अधिकारीले बताएका छन् ।