नेपालमा कोरोनाभाइरस संक्रमितको संख्या ५० हजार नाघेको छ । बिहीबार नेपालमा १ हजार २ सय ४६ जनामा कोरोना संक्रमण पुष्टि भएसँगै नेपालमा कोरोना संक्रमितको संख्या ५० हजार नाघेको हो ।

बिहीबार एक हजारभन्दा बढी कोरोनाभाइरस संक्रमित थपिएसँगै नेपालमा अब कोरोना संक्रमितको संख्या ५० हजार ४ सय ६५ पुगेको हो ।

बिहीबार नेपालमा कोरोनाभाइरसका कारण ५ जनाले ज्यान गुमाएका छन् । योसँगै नेपालमा कोरोनाबाट ज्यान गुमाउनेको संख्या ३ सय १७ पुगेको छ ।

बिहीबार नै नेपालमा १८१८ जनाले कोरोना जितेका छन् । योसँगै नेपालमा कोरोना जित्नेको संख्या ३५ हजार ७ सय पुगेको छ । 

यसको अर्थ हो नेपालमा अहिले १४ हजारभन्दा बढी कोरोनाभाइरस संक्रमित सक्रिय अवस्थामा रहेका छन् ।