खडक नगरपालिका ३ सप्तरीका ३५ वर्षीय एक पुरुषको कोरोनाभाइरस संक्रमणका कारण निधन भएको छ । 

धरानको बिपी कोइराला स्वास्थ्य विज्ञान प्रतिष्ठानमा उपचारका लागि भर्ना भएका यी पुरुषको आज विहान ६ बजे निधन भएको हो । उनी मिर्गौलासँग सम्बन्धित रोगबाट पनि पीडित थिए । 

एक वर्षयता मिर्गौलासँग सम्बन्धित रोगको उपचार गर्दै आएका उनको स्वास्थ्य जटिल भएपछि ३० गते धरान लगिएको थियो । २८ भदौमा उनमा कोरोनाभाइरस संक्रमण देखिएको थियो ।