उपत्यकाका तीनै जिल्लाका प्रमुख जिल्ला अधिकारीको संयुक्त बैठकले उपत्यकाका तीनै जिल्लामा निषेधाज्ञा कायमै राख्ने निर्णय गरेको छ । साथै सवारीसाधनमा लागू गरिएको जोर–विजोर प्रणाली कायम राख्ने निर्णय गरेको छ ।

तर, जोर–विजोर प्रणाली​ उपत्यकाभित्र चल्ने सवारीसाधनका हकमा मात्रै लागू हुनेछ । उपत्यका बाहिर जाने सवारीसाधनको हकमा भने जोर–विजोर प्रणली लागू हुने छैन ।

बैठकले भिड हुनेबाहेक अन्य सबै व्यवसाय सञ्चालन गर्न दिने निर्णय गरेको छ । जसअनुसार फिल्म हल, सैलुन, ब्युटी पार्लर, हेल्थ क्बल, स्पाजस्ता व्यवसाय सञ्चालनमा लागेको रोक यथावत् रहनेछ । शैक्षिक संस्था सञ्चालन, गोष्ठी, सभा–सम्मेलन पनि गर्न पाइने छैन ।