बलिउड अभिनेता सुशान्त सिंह राजपुतको निधन भएको ३ महिना भइसकेको छ । तर, यो घटनामाथि छानबिन अझै सकिएको छैन । बरु दिनहुँ नयाँ नयाँ मोड आइरहेका छन् । 

समाचार एजेन्सी आइएएनएसका अनुसार अब सुशान्त घटनाको छानबिनमा कूपर अस्पताल पनि तानिएको छ । यसअघि पोस्टमार्टम गर्दा गम्भीर लापरवाही यो अस्पतालले गरेको भारतीय मिडियाले जनाएका छन् । 

सुशान्तको घटनामा अहिले भारतको एम्सले अनुसन्धान गरिरहेको छ । अर्कोतिर मुम्बई प्रहरीमाथि पनि अब प्रश्न उठाउन थालिएको छ । मुम्बई प्रहरीले सुशान्तले आत्महत्या गरेको बताएको थियो । तर, उनको परिवारले उनलाई मारिएको हुनसक्ने आशंका गरिरहेका छन् ।