एजेन्सी– आन्ध्र प्रदेशको एउटा सरकारी स्कुल बन्द हुने अवस्थामा पुगेको थियो । त्यहाँ विद्यार्थीहरु स्कुल नै जाँदैनथे । तर, एकदिन अचानक एउटा जंगलबाट तीन लंगुर स्कुलमा आए । 

अब यी लंगुर दैनिक स्कुल आउन थाले । त्यसपछि त विद्यार्थीहरु पनि दैनिक स्कुल आउन थाले । लंगुरलाई पनि विद्यालयले आफ्नो विद्यार्थी जस्तै गरेको छ । उसको पनि हाजिरी लिन थालिएको छ । 

तर, सुरुमा आएका तीन लंगुरमध्ये दुईको चाहिँ मृत्यु भइसक्यो । अब बाँकी रहेको एउटा लंगुर चाहिँ विद्यार्थीहरुसँगै बस्छ, पढ्छ र खाजा खान्छ । त्यहाँको स्कुलका हेडमास्टरले भनेका छन्, ‘यो लंगुरले सुरु देखि नै हाजिरी गरिरहेको छ, विहान प्रार्थना पनि गरिरहेको छ ।’ उसका लागि खानाको व्यवस्था चाहिँ स्कुल नै गरेको छ ।