अमेरिकाको आप्रवासी नियममा परिवर्तन, कम्युनिष्ट पार्टीका सदस्यलाई स्थायी बसोवासमा प्रतिबन्ध
फरकधार / १९ असोज, २०७७

अमेरिकाले आफ्नो आप्रवासी नियममा परिवर्तन गरेको छ । परिवर्तित नियमानुसार अब कम्युनिष्ट पार्टीका सदस्यले अमेरिकाको स्थायी बसोवासको अनुमति वा नागरिकता नपाउने भएका छन् ।

चीनसँग कटु सम्बन्ध बढ्दै गएको अवस्थामा अमेरिकाले यस्तो नियम ल्याएको हो । यद्यपि, अमेरिकाले कुन–कुन मुलुकका कम्युनिष्टलाई नयाँ नियम लागू हुने हो भन्ने पनि खुलाएको छैन ।

गत शुक्रबार अमेरिकाको युएस सिटिजन एण्ड इमिग्रेसन सर्भिस (युएससीआइएस)ले जारी गरेको घोषणामा यो विषय उल्लेख छ । अमेरिकाको राष्ट्रिय सुरक्षाको जोखिमलाई ध्यानमा राख्दै यस्तो घोषणा गरिएको हो । 

यसअघि अमेरिकी संसद् कंग्रेसले पारित गरेको सुरक्षाको नियम अनुसार नै आप्रवासी नियममा परिवर्तन गरिएको हो । युएससिआइएसले विज्ञप्ति जारी गर्दै कुनै पनि कम्युनिष्ट पार्टीका वा निरंकुश पार्टीसँग आबद्ध भएका मानिसले अमेरिकामा आप्रवासीको रुपमा आवेदन दिन नसक्ने उल्लेख गरेको छ । 

यसअघि नै अमेरिकामा स्थायी बसोवासको अनुमति वा नागरिकता पाइसकेका मानिसको हकमा यो नियम लागू हुने वा नहुने पनि खुलाइएको छैन । 

 

  • प्रकाशित मिति : असोज १९, २०७७ साेमबार १६:३८:१७,   अन्तिम अपडेट : असोज १९, २०७७ साेमबार १६:३८:२५

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक , ट्विटरमा, युट्युब पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया