देशको प्रमुख प्रतिपक्ष हो, नेपाली कांग्रेस । 

तर, सरकारले गरेका कामहरुको राम्रोसँग आलोचना र समीक्षा गर्न नसकेपछि कांग्रेसलाई प्रतिपक्ष मात्र मानिएको थियो, यसले काम गरेन भन्ने आलोचना हुन थालेको थियो । 

सोमबार चाहिँ यो दृश्य अलिक फरक देखियो । किनकि प्रदेश ५ को प्रदेश सभामा सोमबार कांग्रेसका सांसदले जे गरे, त्यसको विरोध र आलोचना अहिले पनि भइरहेको छ । चर्को आलोचना हुँदा कांग्रेसमाथि अहिले सामाजिक सन्जालमा व्यंग्य पनि उत्तिकै गरिएका छन् । 

अधिकांशले कांग्रेसलाई यो घटनासँग जोडेर निकै नराम्रो आलोचना गरिरहेका छन् । 

कतिले चाहिँ यसलाई व्यंग्य गरेका छन् । 

सामाजिक सन्जाल फेसबुकमा कबिर खड्गी नामका एक प्रयोगकर्ताले लेखेका छन्– ३ वर्षपछि प्रतिपक्षको नोक्सानी वाला पुनरागमन ।

त्यस्तै, किरण खनालले पनि सामाजिक सन्जालमा व्यंग्य गरेका छन्– खै प्रतिपक्षी भन्या होइन रु बुटवल तिर हेर्ने कि । जहिलै प्रतिपक्षी काङ्रेस सुत्यो हरायो भनेर हेप्नि !