जाजरकोटको जुनीचाँदेमा यात्रुवाहक जिप दुर्घटना हुँदा सात जनाको मृत्यु भएको छ । सदरमुकाम खलंगाबाट बिहान छुटेको भे. १ ज. ९३५ नम्बरको यात्रुवाहक बलेरो जिप दिउँसो जुनीचाँदे–१ काप्रामा सडकबाट अवल खोलामा खसेको प्रहरीले जनाएको छ ।

जाजरकोट प्रहरीका अनुसार दुर्घटनामा ५ जनाको मृत्यु भएको छ भने एक जना घाइते भएका छन् । दुर्घटनामा परी २ जना बेपत्ता भएका छन् । घाइतेलाई अस्पताल लगिएको प्रहरीले जनाएको छ । 

दुर्घटनाको खवर आउनेबित्तिकै प्रहरी घटना स्थलतर्फ गएको उनले बताए । प्रहरी घटनास्थलमा पुगेपछि घटनाको विस्तृत विवरण आउने उनको भनाइ छ । चालकको अवस्था भने अज्ञात रहेको प्रहरीले जनाएको छ ।