नेपालमा कोरोनाभाइरसको प्रभाव दिनहुँ बढिरहेको छ । संक्रमितको संख्या मात्र होइन, नेपालमा कोरोनाका कारण मृत्यु हुनेको संख्यामा पनि दैनिक वृद्धि भइरहेको छ ।
कोरोनाभाइरसका कारण नेपालमा आइतबार विहानदेखि मात्र कम्तिमा १० जनाको निधन भइसकेको छ ।
आइतबार नेपालमा कोरोनाका कारण धरानमा रहेको बीपी प्रतिष्ठानमा ३ जनाको निधन भएको छ । त्यस्तै, चितवनमा एक वडाध्यक्षले पनि कोरोनाका कारण ज्यान गुमाएका छन् ।
काठमाडौंमा इन्जिनियर्स संघका पूर्वअध्यक्ष सरोज देवकोटाले पनि कोरोनाका कारण ज्यान गुमाएका छन् ।
त्यस्तै, सुर्खेतमा ६५ वर्षीया महिला र कैलालीमा ५२ वर्षीय पुरुषको पनि कोरोनाका कारण निधन भएको छ ।
उता, विराटनगरको नोबेल मेडिकल कलेजमा दुई जनाले कोरोनाका कारण ज्यान गुमाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।