पूर्वमन्त्री रेणु यादवसहित उनको परिवारका तीन सदस्यमा कोरोना भाइरसको संक्रमण पुष्टि भएको छ ।

जनता समाजवादी पार्टीकी नेतृ तथा संघीय सांसद समेत रहेकी यादव, उनकी बुहारी र सवारी चालकमा सोमबार कोरोना पुष्टि भएको हो । यसअघि नै उनका छोरा अभिषेक यादवलाई कोरोना पुष्टि भएको थियो ।

प्रदेश सांसद छोरा अभिषेकमा कोरोना पुष्टि भएपछि परिवारका सम्पूर्ण सदस्यले कोरोना परीक्षण गराएका थिए । परीक्षण गर्दा पूर्वमन्त्री यादव, सवारी चालक र बुहारीको रिपोर्ट पोजेटिभ आएको छ । अभिषेकका तीन वर्षीय छोरा र भान्सामा काम गर्ने एक युवकको रिपोर्ट भने नेगेटिभ आएको छ ।

पूर्वमन्त्री यादवलाई कोरोनाको कुनै लक्षण देखा नपरेको र अवस्था सामान्य रहेको बताइएको छ । अहिले चारैजना होम आइसोलेसनमा बसेको जिल्ला स्वास्थ्य कार्यालय सप्तरीले जनाएको छ ।