अमेरिकी टेक कम्पनी एप्पलले आइफोन १२ को सिरिज लन्च गरेको छ । यो सिरिजमा एप्पले चार नयाँ मोडल बजारमा ल्याएको छ ।

एप्पलले नयाँ ल्याएको आइफोन १२ अब फाइभ जी नेटवर्कमा पनि काम गर्ने बताएको छ । 

एप्पलले यसपटक आइफोन १२, आइफोन १२ मिनिसँगसँगै आइफोन १२ प्रो, आइफोन १२ प्रो म्याक्स लन्च गरेको हो ।

कम्पनीले यसपटक ५.४ इन्च स्क्रिन भएको एक नयाँ मिनि मोडल पनि लन्च गरेको छ । 

अहिले विश्वभर कोरोनाभाइरस महामारीका कारण निकै आर्थिक मन्दी आएको छ । तर, यही समयमा पनि एप्पलले आफ्ना मोबाइल र अन्य उत्पादन बेचेर नाफा कमाएको छ । 

यी नयाँ फोन लन्च गर्ने कार्यक्रममा एप्पलका प्रमुख टिम कुकले भनेका छन्, ‘फाइभ जी डाउनलोड र अपलोडले नयाँ स्तरमा पर्फमेन्स गर्ने छ ।’

आइफोन १२ प्रोको स्क्रिन चाहिँ अन्य आइफोनको तुलनामा अलिक ठूलो छ । 

पहिलोपटक आइफोनले यसपटक हेडफोन र चार्जर ल्याएको छैन । एप्पलले पर्यावरणमा यसको प्रभाव कम गर्न यस्तो कदम उठाएको जनाएको छ ।