युरोपियन राष्ट्र अष्ट्रिया बस्दै आएकी एक नेपाली महिलाले आफ्नै तीन बच्चाको हत्या गरेकी छिन् । नेपालको बागलुङ घर भएकी ती महिला अष्ट्रियाको राजधानी भियनामा बस्दै आएकी थिइन्
भट्टराई थरकी ३१ वर्षीया ती महिलाले आफ्ना ८ महिने छोरा, ३ वर्षीया र ९ वर्षीया छोरीको हत्या गरेकी हुन् । स्थानीय समय अनुसार शनिबार बिहान ५ सबा ५ बजेतिर घटना भएको बताइएको छ।
ती महिलाले आफ्ना सन्तानको हत्या गरेपछि आफैँले प्रहरीलाई खबर गरेकी थिइन् । तत्काल प्रहरी पुग्दा आत्महत्याको प्रयास गरेकी थिइन् । प्रहरीले घटनाको कारण खुली नसकेको जानकारी दिएको छ । प्रहरी घटनास्थल पुग्दा ठूली छोरी जिवितै रहेको र उपचारका क्रममा मृत्यु भएको प्रहरीले जानकारी दिएको छ।
हत्यापछि उनले आफूलाई पनि चक्कु प्रहार गरेकी थिइन् । तर तत्कालै प्रहरी पुगेको र उनको अवस्था गम्भीर नभएकाले नियन्त्रणमा लिएको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।