जनता समाजवादी पार्टीको सोमबारबाट काठमाडौंमा सुरु भएको केन्द्रीय कार्यकारिणी समितिको बैठकले आफ्ना सबै सांसदले दसैँ भत्ता नलिने निर्णय गरेको छ ।
पार्टीका केन्द्रीय सदस्य विश्वदीप पाण्डेले दिएको जानकारी अनुसार सोमबारको बैठकले दसैँ भत्ता खारेज गर्न माग गरेको छ । साथै सो रकम कोभिड–१९ पीडितलाई राहत दिन माग गरेको छ ।
सरकारले दसैँ भत्ता खारेज नगरे सबै जसपा सांसदले सो भत्ता नलिने निर्णय गरेको उनले जानकारी दिए । बैठकले पार्टी विधान संशोधनसहित पारित गरेको नेता पाण्डेले जानकारी दिए ।
मंगलबारसम्म जारी रहने बैठकमा विधान संशोधन, नियमावली निर्माण, केन्द्रीय समितिको विस्तार तथा कार्यविभाजन लगायतका एजेन्डामा छलफल भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।