धनुषाको नगराइन नगरपालिका ४ ससुराली आएका एक भारतीय नागरिकको दुर्घटनामा मृत्यु भएको छ । उनी चढेकै मोटरसाइलमा सवार अन्य दुईजना गम्भीर घाइते भएका छन् ।

विआर ३२ एबी ४१८३ नम्बरको मोटरसाइकल दुर्घटना हुँदा भारतको मधुवनी उमगाउँ घर भएका ४० वर्षीय शंकर महराको मृत्यु भएको हो । जिल्ला ट्राफिक प्रहरी कार्यालय जनकपुरका अनुसार नगराइनबाट गंगुलीर्फ आउने क्रममा सोमवार मध्यरातमा मोटरसाइकल दुर्घटना भएको छ ।

मृतक महराकै मोटरसाइकलमा सवार अन्य दुई जना गम्भीर घाइते भएका छन् । उनी दुबै जनाको उपचार जनकपुरस्थित जानकी हेल्थ केयर अस्पतालमा भइरहेको छ । मृतकको शव पोष्टमार्टमका लागि प्रादेशिक अस्पताल लगिएको छ ।

सडकमा अचानक कुकुर आएपछि गाडी अनियन्त्रित भएर दुर्घटना भएको बताइएको छ । घटनास्थलमै कुकुर पनि मारिएको छ ।