केन्द्र सरकार कोरोना संक्रमितको उपचारको जिम्मेवारीबाट पन्छिए पनि गण्डकी प्रदेश सरकारले कोरोना संक्रमितको निःशुल्क उपचार गर्ने भएको छ ।

गण्डकी प्रदेशका मुख्यमन्त्री पृथ्वीसुब्बा गुरुङले कोरोना संक्रमितको निःशुल्क उपचार यथावत् राख्ने बरु अझै पहिलाभन्दा झन् व्यवस्थित हुने जानकारी दिएका हुन् । 

प्रदेशका ३८ आइसोलेसनबाट संक्रमितको निःशुल्क उपचार भइरहेको उनले जानकारी दिए । प्रदेशअन्तर्गतका सबै जिल्लामा आइसियु बेडको व्यवस्था हुनै लागेको  उनले बताए । 

नागरिकको स्वास्थ्यका लागि आफूहरू जिम्मेवार रहेको उल्लेख गर्दै मुख्यमन्त्री गुरुङले प्रदेश सरकारले लमजुङ, स्याङ्जा र नवलपुरबाहेक सबै जिल्लामा आइसियूको व्यवस्थापन गरिसकेको जानकारी दिएका छन् ।