प्रधानसेनापति पूर्णचन्द्र थापाले महामारीको समयमा स्वास्थ्य सुरक्षामा विशेष ध्यान पुर्याउन, संक्रमण भइहालेमा उचित उपचारको व्यवस्था मिलाउन मातहतका संगठनलाई निर्देशन दिएका छन् । 

मंगलबार नेपाली सेनाको पृतनापति समन्वयात्मक बैठक सम्पन्न गर्दै उनले यस्तो निर्देशन दिएका हुन् । कोभिड १९ बाट सिर्जना भएका सुरक्षा चुनौती, समाधानका उपाय र कार्यनीति विषयक सो गोष्ठी जंगीअड्डामा आयोजित सो बैठक तीन दिन चलेको थियो । 

प्रधानसेनापति थापाले सम्मेलनमा भएको प्रस्तुतीकरण र छलफलबाट निस्किएका निचोडले भविष्यको लागि महत्वपूर्ण मार्गदर्शन गर्ने विश्वास व्यक्त गरे । उनले सम्मेलन सफलतापूर्वक सम्पन्न गर्न सहयोग पुर्याउने सबैलाई धन्यवाद दिए ।