लिभरपुलले च्याम्पियन्स लिग फुटबलको विजयी सुरुवात उपहार गोलबाट गरेको छ । बुधबार राति आवे मैदानमा भएको पहिलो खेलमा गोल नै नगरी लिभरपुलले विजयी भएको हो । 

डच क्लब अजाक्सका निकोलास ताग्लिएफिकोले गरेको आत्मघाती गोल उपहार पाएपछि समूह डी मा रहेको लिभरपुलले विजयी सुरुवात गरेको हो । 

खेलको ३५ औँ मिनेटमा अजाक्सका निकोलासको आत्मघातीले लिभरपुललाई जित दिलाएको हो । चोटका कारण गएरातिको खेलमा लिभरपुलका महत्वपूर्ण खेलाडी भर्जिल भान डीजेक मैदान बाहिर थिए । 

बुधबार राति भएको समूह डीको अर्को खेलमा एट्लान्टाले एमफसी मिड्जील्याण्डलाई ४–० ले पराजित गरेको छ ।