प्रधानमन्त्री केपी शर्मा ओलीले भारतीय गुप्तचर निकाय रअका प्रमुखसँग भेट गरेको विषयमा तथ्यसत्य जानकारी दिनु पर्ने माग नेपाली कांग्रेसका युवा नेता प्रदीप पौडेलले राखेका छन् ।
पौडेलले सामाजिक सन्जाल ट्विटरमा यो माग गरेका हुन् ।
प्रधानमन्त्री ओली र रअ प्रमुखसँग भएको यो भेट हाम्रो देशको सार्वभौमकिता विपरित भएको पौडेलले दाबी गरेका छन् । पौडेलले हाम्रो देशको स्वाधीनता र स्वाभिमानको अलिकती पनि हेक्का नराखी प्रधानमन्त्री ओलीले रअ प्रमुखसँग भेट गर्नु गम्भीर भएको भन्दै यसको तथ्य बाहिर आउनु पर्ने माग राखेका छन् ।
प्रधानमन्त्रीको तहबाट हुने यस्तो कामका कारण हाम्रो उपस्थिति छिमेकमा र विश्व मानचित्रमा कमजोर हुँदै गएको पनि पौडेलले लेखेका छन् ।
संविधानद्वारा निर्देशित परराष्ट्र नीति विपरित प्रमले भारतीय गुप्तचर प्रमुखसँग गरेको गोप्य वार्ता हाम्रो सार्वभौमिकता विपरित छ।स्वाधीनता र स्वाभिमानको अलिकति पनि हेक्का नराखी गरिने यस्ता अभ्यासले हाम्रो उपस्थिति सधैं कमजोर बनाएको छ।भेट बारेका सबै सत्यतथ्य तत्काल सार्वजनिक गरियोस्
— Pradip Paudel (@paudelpradipNC) October 22, 2020
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।