नेपाली मात्रको महान चाड बडादसैंको नवौं दिन आश्विन शुक्ल नवमीका दिन आइतबार काठमाडौँको वसन्तपुर दरबार क्षेत्रमा धुमधामसँग दुर्गा भवानीको पूजा गरियो ।

दसैंघर, कोतलगायत विभन्न देवी मन्दिर र शक्तिपीठमा बोका, हाँस, कुखुरा र राँगाको बलिसहित दुर्गा भवानीको पूजा पूर्ण गरिएको छ ।

घटस्थापनाका दिन राखिएको जमरा महानवमीका दिन विभिन्न शक्तिपीठमा चढाइन्छ । दशमीका दिन अर्थात् भोलिदेखि पूर्णिमासम्म देवीको प्रसाद स्वरुप टीका र जमरा लगाइन्छ ।