चीनमा फेरि एकपटक एक जनामा कोरोनाभाइरस संक्रमण पुष्टि भएपछि पूरै सहरवासीको कोरोनाभाइरस परीक्षण गरिने भइएको छ । चीनको जिनजियाङ प्रान्तमा ४७ लाख मानिसमा कोरोनाभाइरस संक्रमण परीक्षण गर्न सुरुवात गरिएको छ ।
त्यहाँको कासगर सहरमा एकजनामा कोरोना संक्रमण पुष्टि भएको थियो । त्यसपछि पूरै सहरमा कोरोना परीक्षण गरिएको हो ।
यो परीक्षणमा अहिलेसम्म कुनै लक्षण नदेखिएका १ सयभन्दा बढीमा कोरोना पुष्टि भएको छ । योसँगै त्यहाँका स्कुलहरु बन्द गरिएका छन् । त्यस्तै, लकडाउन लगाउँदै मानिसहरुलाई घरबाट ननिस्किन भनिएको छ । कोरोनाको नेगेटिभ रिपोर्ट आएमा मात्र उनीहरु घरबाट बाहिर निस्किन पाउने नियम लगाइएको छ ।
यसअघि त्यहाँ एक जना महिलामा लक्षणविनाको कोरोना संक्रमण भएको पुष्टि भएको थियो ।
उनलाई कोरोना पुष्टि भएपछि त्यहाँ शनिबारबाट यो परीक्षण सुरु भएको हो ।
चीनमा अहिलेसम्म ८५ हजार ८ सय १० जनामा कोरोना संक्रमण पुष्टि भएको छ । यीमध्ये ४ हजार ६ सय ३४ ले कोरोनाका कारण ज्यान गुमाएका छन् । तर, यो संख्यामा लक्षण नदेखिएका संक्रमित समावेश गरिएको छैन ।
यसअघि चीनको क्विङडाओ सहरमा पनि केही व्यक्तिमा कोरोना देखिएपछि ९० लाख मानिसको परीक्षण गरिएको थियो ।
अहिले विश्वका लागि महामारी बनेको कोरोना सबैभन्दा पहिले चीनको वुहानमा मेमा देखिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।