झापामा ३ जना र सुर्खेतमा एक कोरोनाभाइरस संक्रमितको निधन भएको छ । 

सुर्खेतमा निधन हुने ३२ वर्षीय पुरुष हुन् । उनको शनिबार राति निधन भएको हो । उनी शनिबार राति नै १० बजे अस्पतालमा भर्ना भएका थिए ।

तीन दिनअघि कोरोनाभाइरस परीक्षण गर्दा उनमा पोजेटिभ रिपोर्ट आएको थियो । 

त्यस्तै, झापामा आज विहान कोरोनाभाइरसका कारण तीन जनाले ज्यान गुमाएका छन् । ज्यान गुमाउने सबै पुरुष हुन् । उनीहरु दमक नगरपालिका, कमल गाउँपालिका र गौरादह नगरपालिकाका हुन् । ५०, ७२ र ७४ वर्षका उनीहरु केही दिनअघि मात्र अस्पताल भर्ना भएका थिए ।