राजविराजमा एक कोरोनाभाइरस संक्रमितको निधन भएको छ । उनी त्यहाँको गजेन्द्रनारायण सिंह अस्पतालमा कार्यरत थिए । 

अस्पतालको ल्याबमा कार्यरत २८ वर्षका यी युवामा १५ कार्तिकमा कोरोना संक्रमण पुष्टि भएको थियो । 

उनी त्यसपछि साइकृष्णा मेडिकल कलेजको आइसोलेसनमा भर्ना भएका थिइ । उनमा अरु कुनै दीर्घकालिन रोग थिएन, कोरोनाको लक्षण पनि देखिएको थिएन । 

उनी राजविराज २ का बासिन्दा हुन् । 

योसँगै सप्तरीमा कोरोनाका कारण २९ जनाले ज्यान गुमाएका छन् ।