पछिल्लो २४ घण्टामा प्रदेश १ मा २१९ जना कोरोना सङ्क्रमित थपिएका छन् । ९७६ जनाको पिसिआर परीक्षण गर्दा ७५ महिला र १४४ पुरुषमा कोरोना पुष्टि भएको त्यहाँको सामाजिक विकास मन्त्रालयले जनाएको छ ।

जसअनुसार मोरङमा १०३, सुनसरीमा ४८, झापामा ३३, तेह्रथुममा आठ, उदयपुरमा ६, इलाम र संखुवासभामा दुई–दुई तथा पाँचथर, भोजपुर र खोटाङमा एक–एक र प्रदेशबाहिरका १४ जना संक्रमित थपिएका हुन् । 

योसँगै प्रदेश १ मा कोरोना सङ्क्रमितको सङ्ख्या २१ हजार ८८४ पुगेको छ । पछिल्लो २४ घण्टामा ६०० जना सङ्क्रमित निको भएर घर फर्केका छन् । योसँगै कोरोना निको हुनेको संख्या १४ हजार १७३ पुगेको छ ।